जाजरकोट । जिल्लाको बारेकोट गाउँपालिका ३ मुल्सामका पहिरो पीडितलाई राहत वितरण गरिएको छ । विहीबार वडाध्यक्ष रामबहादुर सिंहको पहलमा राहत वितरण गरिएको हो । चामल, त्रिपाल,कम्बल सहितका राहत सामग्री वितरण गरिएको वडाध्यक्ष सिंहले जानकारी दिए ।
साउन २१ गते पहाडा मुल्सामको डाँडागोठ देखी करिब ६ सय मिटर दुरी बाट आएको पहिरोले ठाडाचौरका चार उच्च जोखिममा रहेको छ । उक्त पहिराले जय बहादुर सिंह, निमबहादुर सिंह,चन्द्रबहादुर सिंह, रामबहादुर सिंहको करिब १२ रापनी जग्गामा रहेको मकै वाली पूर्ण रुपमा क्षेती पुर्याएको थियो ।
पहिरो पीडित परिवार सोही वडाको गाग्राखोलामा तिर्पालमा बसिरहेका छन् । केही राहत पाउँदा उनीहरु निकै खुशी भएका छन् ।